Adnotationes in Numeros

[00001]    ΩΡΙΓΕΝΟΥΣ ΕΚΛΟΓΑΙ ΕΙΣ ΤΟΥΣ ΑΡΙΘΜΟΥΣ

[00002]    ^[17.21] ΚΕΦ. ΙΑʹ.

[00003]    Στίχ. ζʹ.

[00004]    Τὸ δὲ μάννα, ὡσεὶ σπέρμα κορίου.

[00005]    Τὸ δὲ ὡσεὶ σπέρμα κορίου, οἱ λοιποὶ βδελίου·

[00006]    ἄλλος φησὶν, ἐκ μέλιτος·

[00007]    Ἀκύλας καὶ Σύμμαχος, μαστοῦ ἔλαιον, μαστοῦ εἰς λίπας.

[00008]    ΚΕΦ. ΙΒʹ.

[00009]    Στίχ. αʹ, βʹ, ιʹ, ιεʹ.

[00010]    Λοιδορήσασα Μαριὰμ τὸν Μωσέα, ἐλεπρώθη, ἔξω τῆς παρεμβολῆς γενομένη ἑπτὰ ἡμέρας καθίσασα.

[00011]    Τοῦτο δὲ γέγονε πρὸς φόβον τοῦ λαοῦ.

[00012]    Εἰ γὰρ τῆς ἀδελφῆς οὐκ ἐφείσατο, οὐδὲ ἑτέρου.

[00013]    ΚΕΦ. Ι∆ʹ.

[00014]    Στίχ. λʹ.

[00015]    Καὶ οἱ ἄνθρωποι.

[00016]    Οἱ τὴν γῆν ψέγοντες, ψεύστην τὸν Θεὸν, κατ' αὐτοὺς εὐσεβῶς, ἔδειξαν, ἐπαινοῦντα τὴν Παλαιστίνην.

[00017]    ΚΕΦ. ΚΒʹ.

[00018]    Στίχ. βʹ.

[00019]    Καὶ ἰδὼν Βαλάκ.

[00020]    Ἤκουσαν ἔθνη καὶ ὠργίσθησαν.

[00021]    Ἐν οἷς καὶ τό·

[00022]    Ἄρχοντες Μωαβιτῶν, ἔλαβεν αὐτοὺς τρόμος.

[00023]    Στίχ. δʹ.

[00024]    Ὅτι ὥσπερ μάντιν τὸν μισθὸν ταύτης ἔφερον προσαγαγεῖν αὐτόν.

[00025]    ΚΕΦ. ΚΓʹ.

[00026]    Στίχ. ζʹ.

[00027]    Καὶ ἀναλαβὼν τὴν παραβολήν.

[00028]    Ἡ θεία Γραφὴ ἔν τισιν τόποις προκρίνει καὶ προτίθησι τὸ συμβολικὸν ὂν τῆς ἱστορικῆς διηγήσεως ἐν τῇ αὐτοῦ ὑποθέσει.

[00029]    ΚΕΦ. Κ∆ʹ.

[00030]    Στίχ. ζʹ.

[00031]    Καὶ κυριεύσει ἐθνῶν πολλῶν.

[00032]    Εἰσὶ δὲ κύριοι πολλοὶ, καὶ θεοὶ πολλοί.

[00033]    Μακάριοι δὲ οἱ τὸν Κύριον ἡμῶν Ἰησοῦν Χριστὸν ἔχοντες κύριον·

[00034]    κυριεύσουσι γὰρ κυρίας πολλάς.

[00035]    Στίχ. ιζʹ.

[00036]    Καὶ ἀναστήσεται ἄνθρωπος ἐξ Ἰσραήλ.

[00037]    Φασὶ τὸν Βαλαὰμ ἔχειν φοιτητὰς τῇ τέχνῃ, μαθητεύσαντας αὐτῷ τῇ μαγικῇ·

[00038]    καὶ δόξαν περὶ αὐ ^[17.24] τοῦ ἔχοντας, ἀναγράψασθαι τὰς προφητείας αὐτοῦ, καὶ καταλιπεῖν, ἐν αἷς καὶ τό·

[00039]    Ἀνατελεῖ ἄστρον.

[00040]    Ἢ καὶ ἐκ τῆς πατρικῆς παραδόσεως τοῦτο καὶ διαδοχῆς παραλαβόντες οἱ Μάγοι, ἐπὶ τὴν Βηθλεὲμ παρεγένοντο.

[00041]